80後不滿中共洗腦帶起新民主運動：自發做義工！拉票最狂熱！
[轉載/Youtube] May 17, 2010 — (蘋果日報)公投運動落幕，新民主運動才剛開始。昨日從補選票站走出來的、向拉票街站進發的、動員親朋戚友投票的，許多都是 80後年輕選民。他們深信，為公義投下一票，只是關鍵第一步，現已準備接好民主棒，繼續開墾普選路。公民黨、社民連兩黨的拉票街站多數由 80後青年主持大局，許多派傳單、用擴音器呼籲市民投票的義工昨日都是第一次投票的年輕選民。同一時間，在網上廣發公投告急訊息、傳閱投票貼士的網民絕大部份也是 80後、 90後的年輕人。多個公社兩黨街站的義工均表示，整日不斷有年輕選民自發幫忙做義工。在嶺南大學修讀社會科學的盧同學說，他經常游說及發短訊給親朋戚友，呼籲大家昨天投票，「起碼拉到十幾廿票。投票有幾激進呢？我真係唔明白。」盧同學與多個朋友昨天自發落區拉票，有人早前報名做公投義工，有人派發自製傳單，「我都去街站 walk in幫手，政府冷處理，我哋就要做埋政府嗰份。公投完咗之後，我哋仲有好多嘢可以做，例如表決政改方案嗰日包圍立法會，用容易畀公眾見到嘅方式繼續爭取。只要冇傷亡，就唔會俾人渲染為暴力激進。」公投人數逾 50萬人，他認為港人已經成功表達愛普選心聲，「如果政府最後都唔畀普選，我寧願移民去台灣，投票畀馬總統。」公民黨街站義工 Cherry也是大學生，「好多市民鼓勵我哋，開心多過辛苦。」她見證公投喚醒身邊的朋友關心社會，對未來充滿信心，「 08年立法會選舉，好多同學仲話，投唔投都冇所謂。今次好多人都覺得要投票，理念清晰好多。今次香港人真正站起來，話畀大家聽，政府唔係大晒。由零走到一，呢一步係最難，民主運動仲未完，只會一路走落去，直至我哋有雙普選。」19歲的阿狄昨在新界西票站投票，他甫踏入 18歲就登記成為選民，首次有權投票撞正五區公投，他覺得好有意義，「畀咗一個機會我哋發聲，踢走功能組別，盡快實現雙普選。」阿狄就讀中七，剛完成高級程度會考，不少同學與他討論今次公投，大家都認為需要透過今次選舉表達心中不滿。25歲跟車工人張先生 08年立法會選舉都有投票，但當時只是抱着湊熱鬧心態，但今次立法會補選，他覺得十分重要，因關乎香港民主進程，「所以唔可以唔企出嚟。之前上網，見到有內地網民留言，話我哋（香港人）如果今次唔企出嚟投票，以後可能再冇咁嘅機會，我好認同我哋要珍惜每一次投票嘅機會，因為少一票，就係冇一票。」社民連行政委員費明海表示，公投運動並非只是辭職補選，還成功教育年輕人直接民主制度，「年輕選民唔會再咁容易被保皇黨、傳媒洗腦。公投教識我哋，呢個世界唔係得一條路，仲有好多條路，市民可以決定自己嘅將來。」
