高登網友創作 "慳電膽" 歌曲
Source from sora08141314
隔牆有耳：《慳電膽》唱煲呔到肉攞膽
香港人最憎俾人屈，偏偏高官最鍾意屈市民，施政報告提出兩電派 100蚊現金券畀用戶買慳電膽，表面似益你，實際係屈你換新燈膽，仲要逼你日後可能要 加電費。令人更火滾係原來煲呔親家莫錦泉係「慳電膽大王」，背後有人照住，怪唔得煲呔 咁熱衷要市民換慳電膽啦！
妄想減稅？醒嚇啦！
台灣阿扁家族貪腐醜聞令人震驚，香港第一家庭有冇利益輸送，八方相信好多市民都想執法 機關介入查個清楚，有網民已經將煲呔改圖變成阿扁，高登討論區更有人改編錯字才女 Stephy首歌《電燈膽》，而且網上火速有真人演繹版本，諷刺煲呔強銷慳電膽益曬親 家。
改寫歌詞由網民集體創作，水準如何大家可自行評價，唔少網民都認為有佳句，八方覺得副 歌部份最抵死，「難承認嘛，我故意 sell那電燈膽，加盡你們平常人電費也不難，望良民流露著困惑的雙眼，妄想一天稅項 會減？你醒嚇啦。」
網民勁改歌詞玩煲呔樂此不疲，各位如果有興趣，都可以玩埋一份，八方上網，好多人都話 聽完首歌先明白點解施政報告忽然派燈膽券，有網民嘆香港人又走寶，「內地都好多人用更 環保嘅 LED燈，成本仲平，慳電更多，可惜曾生無親戚做代理。」
pf_lee@appledaily.com
《慳電膽》歌詞
（寄調《電燈膽》）
今鋪擺明姻親有賺 博佢大貪接受
扶貧全要滯後 財富贈舊朋友
昨日被掟香蕉 返官邸痛哭 明晨面對毓民諗起就頭痛
如何令佢哋 靜下咪起鬨
誰都知家玩你班廢物 其實全心想捐獻大陸人
其實市民受夠期望已全沒有 應該搬走還是跳樓
能迴避嘛 我故意 sell那電燈膽
聽著你們 滋滋浸 議會中受難
搞政策我無膽 靠亂吹死撐
靠北京關照是我揀
難承認嘛 我故意 sell那電燈膽
加盡你們 平常人 電費也不難
望良民流露著困惑的雙眼
妄想一天稅項會減 有加無減
你哋個個都想 出身即買樓 然而其實私樓抵玩又唔貴
如噚日買落 下代至供夠
籠屋加橋底 都無得你住 如若排隊公屋似沒盡期
權利你們沒有 群賊我來獨奏 香港點走全在我手
來迴避喇 我故意剝削著中產
福利免提 而同時 稅單一大疊
賤民人人捱餓 我做官很嘆
使乜餐餐要同你慳
能逃避嘛 我要你裝那電燈膽
欺虐你們 無人能 罷免我職銜
有強權無道理 注定屈死你
妄想中央會讓你揀 你醒嚇啦
網民改寫《電燈膽》贈港版阿扁 東方日報 2009-10-17 報道
【本報訊】曾蔭權涉嫌以市民金錢貼親家事件曝光後，全城怒吼。有市民認為曾蔭權在事件上涉及利益衝突，有必要事先作出申報，要求他向市民道歉及盡快解釋事件，甚至促請他下台。有網民除將他比喻為港版阿扁之外，更惡搞將偶像歌手鄧麗欣（Stephy）的走音名曲《電燈膽》改寫，諷刺曾蔭權推銷慳電膽是利益輸送，難為窮人要白捱貴電費。
市民莊小姐認為，作為特首，應對自己一言一行小心謹慎，相信事件令曾蔭權民望大跌。梅小姐表明無法接受曾蔭權就事件的解釋，又指有關慳電膽的推廣政策「無聊又白癡」，令市民需繳交更多電費，「再解釋都係多餘，最好快啲下台！」
事件亦引起網上激烈討論，不少網民感到不服氣，批評港府要市民承受加電費之苦，以市民的錢貼親家，其中網民Fiona0235直斥：「搵市民笨，來益親家，離晒譜……」jolo則不滿市民無選擇權，「點解唔畀我揀更環保、無水銀嘅LED燈先？」
「我故意sell那電燈膽」
有網民將鄧麗欣名曲《電燈膽》改寫，除獨唱版外，更有曾蔭權與市民的合唱版，其中獨唱版副歌改為「難承認嘛，我故意sell那電燈膽，加盡你們，平常人電費也不難，望良民流露着困惑的雙眼，妄想一天稅項會減，有加無減……」諷刺曾蔭權在事件中涉利益輸送及不理窮人死活，盡顯市民心聲。
[惡搞 / 搞笑 / 原創 Video]
