五區公投最大規模民主動員：57.9萬人投票不信任共產黨！
[轉載/Youtube] May 17, 2010 — (蘋果日報)香港首次公投運動完成，在政府冷待、保皇勢力狙擊下，仍有約 58萬人投票，比率為 17.1%。投票率比預期為低，但泛民主派人士認為，今次公投已創下歷史，是香港的一次公民教育洗禮。五區公投運動總發言人余若薇則指出，近 60萬人無懼打壓站出來，政府必須具體回應廢除功能組別、實現雙普選的訴求。選舉管理委員會公佈，昨日共有約 57.9萬名登記選民投了票，投票率約 17.1%。選管會主席馮驊不評論有關投票率的問題，僅稱這是選民的選擇。余若薇在投票結束後總結稱：「喺咁艱難情況下，喺中國土地上做到公投，有超過 50萬人投票，算係一個幾好嘅數字，政府必須回應。」她形容昨日是 03年 50萬人 7.1遊行以來，最大規模的一次民主動員。社民連主席陶君行則說：「有近 60萬人不計成敗，投下良知一票，我哋為香港前途感到自豪，對香港民主充滿希望。我哋亦警告曾蔭權，今日係新民主運動嘅序曲，呢 60萬人係未來中國嘅堅實力量。 03年 50萬人上街，今日亦有近 60萬人支持公投，如果曾蔭權繼續邊緣化我哋，將會付出代價。」選管會今日凌晨完成點票工作，五名辭職參選的公民黨及社民連候選人均以大比數勝出，重返議會。其中黃毓民以逾 6萬票擊敗最接近對手、獲 1.6萬票的白韻琴。五區公、社兩黨及大專 2012候選人總得票為 500,443，即 86.4%選民支持盡快雙普選及廢除功能組別的公投議題。前政務司司長陳方安生也說：「今次我哋都上咗堂好重要嘅公民教育，就係香港市民係享有投票權，我哋亦都會去履行呢個公民責任。」民主黨創黨主席李柱銘指出，無論今次投票結果如何，「點都係算贏咗」，因為今次補選是史上首度有大學生（大專 2012參選團隊）參選，為特區民主歷史寫下新一頁紀錄，「我覺得香港民主前途好有希望，要叫佢哋幾個，出來接好民主棒。」
本土史上首次公投運動，為了公民責任也好，為了香港前途也好，有心人都盡心盡力，以不同形式參與。天主教香港教區榮休主教陳日君樞機結束非洲及歐洲教會活動，昨晨趕回香港，他形容投票是以和平的方式表達憤怒，「我哋真係好無奈喎，家冇可能真正普選 o架喇，你第一關都過唔到，梗係過唔到啦，功能組別自己自殺、自己消滅呀？梗唔會喇嘛，既得利益者梗唔會放棄 o架嘛，希望上面畀番我哋少少尊嚴囉。」對於低投票率，他表示非常可惜，擔心被解讀為香港人不關心民主發展。未合資格投票的年輕人，則鼓勵長輩為他們出力。在青衣，一名中四學生在行人天橋上派傳單，單張很簡陋，是一張手寫在筆記本，然後影印及手撕的字條。內文說：「五一六齊投票，請為下一代着想，踢走功能組別，踢走廿蚊最低工資，踢走官商勾結。」下款是「一群中四學生的心聲」，路過的行人大都不願接過傳單，男生還在默默的派。有人在街頭催票，有人在網絡世界呼朋喚友。網絡上的撐公投留言，有些是硬銷公投，有些是內心表述。一名年輕網民說：「啱啱投咗人生第一張選票，我覺得心安理得。只係用咗我幾分鐘，就用到一票彰顯到民主一面。接下來結果係點已經由不得我去操控，或者我一票嘅力量真係好細，但最少我對得住自己。」眾人的努力，並未取得預期效果。下午 4時半，投票率仍未超越 10%。記者在柴灣一個票站投票，氣氛冷清，前往票站沿途只有不顯眼的白紙黑字 A4紙指引票站位置。入到票站，只有記者一個選民，票站人員相當清閒。印上數十姓名的一頁選民名單上，幾乎所有姓名都未被劃去，絕大部份選民還未投票。遲遲不寄出選舉通知書、宣傳橫額遮遮掩掩、特首公開不投票間接向公務員施壓，政府用盡 9招 12式抑壓補選投票意欲，看來陰招確實奏效。記者在票站外進行問卷調查，發現前來投票的選民，大多數都說是為參與公投而來，大多數都希望香港早日實現普選、廢除功能組別，不接受政府的政改方案。最終，全日投票率低於預期。昨日全力拉票的公民黨大學生義工阿 Bee說不會灰心：「今日派單張都有好多人支持，估唔到投票率咁低。我諗好多香港人真係有事先出來，冇事就匿喺屋企。不過我唔會灰心，我以後每年 7.1都仲會出來遊行。好多年輕人都認識政治，陸續會有好多人俾我哋誠意打動。」
