睇完CCTVB六點半新聞, 因住笑到你暈!!!
睇完CCTVB新聞, 因住笑到暈:
各位觀眾:
歡迎收睇毛線六點半新聞報導!
今日係63+1二十周年, 香港經過12年o既河蟹式愛國教育, 終於取得偉大勝利.
因為今晚參加63+1燭光晚會人數只有8963+1人, 創回歸以來新低.
絕大部份香港人已認識到20年前果斷平息反革命暴亂係十分正確o既,
帶來o左祖國經濟繁榮, 神七升空, 四川冇豆腐渣, 奶粉冇o左三鹿牌, 同埋有真人代唱的成功奧運.
雖然國家對香港o既河蟹愛國教育已經取得驕人成就, 我o地亦唔可以掉以輕心.
因為仍有一小撮反河亂蟹份子, 佢地有陽澄湖大閘蟹唔食, 係都話要食河蟹,
又話要民主, 又話要自由. 特別針對愛河愛蟹O既忠堅份子, 例如陳一河, 呂智蟹,
蟹培忠, 香港特區領導人曾河蟹, 同埋無此政黨聞蟹聯.
o係一蟹專政o既偉大共蟹黨英明領導下, o係偉大領袖毛主席思想指導下,
o係三個代表o既科學發展觀念下, 相信未來o既63+1晚會人數會進一步減少到只有63+1人.
到時, 香港o既維多利亞港及太平山頂, 將會被河蟹完全佔領, 而維多利亞港將會變成蟹多利亞河!
CCTVB 記者 兜巴聲 報導.
