黃毓民議員踢爆民建聯看勢多次急轉軚贊成特權法@立法會12nov08-Part 1
黃毓民議員踢爆民建聯看勢多次急轉軚贊成特權法@立法會12nov08-Part 2
重温哨牙仔點呃選民Video 民建聯──最無誠信的政黨 (欺騙雷曼苦主)
雷曼迷你債券事件，民建聯於立法會門外，廣大苦主面前，承諾為苦主撐到底﹗追到底﹗要 團結﹗
立法會門內，民建聯團結一致投反對票，否決了成立專責小組跟進雷曼事件的動議。
投反對票名單如下:
黃定光,張學明,葉偉明,黃國健,王國興,黃容根,陳克勤,陳鑑 林,李慧琼,譚耀宗, 劉江華,石禮謙,葉劉淑儀,梁君彥,方剛, 梁劉柔芬,林健鋒,劉皇發,霍震霆,譚偉豪,陳健波,李鳳英
From 毓民 facebook
***毓民於選舉時，曾承諾為各位監察政府，踢爆庸官和保皇黨。今天下午，毓民就踢爆 民建聯於雷曼事件上多次轉軚，特別是面對苦主時，多位成員聲嘶力竭，與苦主同仇敵愾， 結果返會議廳時，原形畢露。***
毓民扮江華靠大聲 狙擊民建聯轉軚
(明報)11月13日星期四05:10
【明報專訊】喺立法會未開鑼之前，社民連主席黃毓民講到明，入到議會後，一定會郁「哨 牙仔」民建聯副主席劉江華。毓民果然言出必行，噚日喺立法會辯論係咪引用特權法調查雷 曼事件時，發言時就扮劉江華，窒民建聯喺事件中轉軚再轉軚，但絕對唔係迷途知返，而係 形勢使然。
七情上面恍如開事主大會
首先，毓民話政黨喺重要關頭唔應該與民為敵，之後就好似上咗身咁，扮民建聯當日見雷曼事主時，劉江華點樣大大聲話要政府包底、叫政府負責。毓民喺議事廳內扮到七情上面，連聲量都同真係好似開事主大會一樣咁大聲。劉江華當日話要責成中銀盡快處理個案，毓民當然要潤吓劉江華，話人哋民建聯副主席，唔通可以責成共產黨，向中銀施壓加快處理進度？
過足一輪扮嘢癮後，毓民就話，自己扮劉江華梗係扮得唔似，因為劉江華都無佢咁英明神武 ，不過就話自己當日聽到劉江華一番熱話，都差啲想加入民建聯！
長毛掟「銀紙」毓民險中招
上次掟完蕉，毓民今次又再恐嚇其他議員，話如果特權法不獲通過，就唔止掟蕉咁簡單，而 係掟屎蜢！另外，佢黨友長毛梁國雄發言時，又施展掟嘢招數，今次係將一疊印上「＄」標 誌嘅紙掟落地，不過差啲掟中旁邊嘅毓民。
噚日，仲有其他議員帶晒道具入去辯論，公民黨陳淑莊就用密實袋寓意調查要透明度高，而 獨立梁美芬就帶埋滅火筒，話要盡快為苦主救火，至於泛聯盟劉秀成雖然唔用道具，但就喺 議會講諧音粗口「杏加橙」！
